Polisi Watibua Mkutano wa Wanachama wa UDA Kaunti ya Meru ▷ Kenya News

– Katibu mkuu wa chama cha UDA Veronica Maina alikuwa ameandaa mkutano katika uga wa Gatimene, ajenda kuu ya mkutano huo ilikuwa ni uteuzi wa chama

– Hata hivyo, polisi waliotibua mkutano huo walidai waandalizi hawakuwa na kibali na pia waliwakashifu wanasiasa hao kwa kukiuka masharti ya covid-19

– Wakijitetea, wanasiasa hao walidai kwamba walikuwa wanafanyia mkutano wao hotelini na kwa hivyo hawakuhitaji kibali chochote

Maafisa wa polisi kaunti ya Meru wametibua mkutano wa chama cha UDA kwa madai kwamba waandalinzi walikiuka masharti ya kuzuia maabukizi ya virusi vya COVID-19.

Habari Nyingine: West Pokot: Mwanamke Aliyefanya Harusi na Roho Mtakatifu Aelekea Uganda kwa Fungate

Polisi Watibua Mkutano wa Wanachama wa UDA Kaunti ya Meru — Wakijitetea, wanasiasa hao walidai kwamba walikuwa wanafanyia mkutano wao hotelini na kwa hivyo hawakuhitaji kibali chochote.Picha: UDA.
Source: Facebook

Habari Nyingine: Kamata Hao! Atwoli Asema Kuhusu Waliobomoa Bango la Barabara Yake Kileleshwa

Mkutano huo ulikuwa umeandaliwa na katibu mkuu wa chama hicho Veronica Maina katika uga wa Gatimene, ajenda kuu ilikuwa ni uteuzi wa wanachama.

Maafisa wa polisi wakiwa wameandamana na machifu kutoka kata ya Meru waliwatawanya wanasiasa hao wakidai hawakuwa na kibali cha kufanya mkutano huo.

Wakijitetea, wanasiasa hao walidai kwamba walikuwa wamekutana kwenye hoteli na kwa hivyo hawakuhitaji kibali.

Mvutano kati ya polisi na wanasiasa hao nusra uzue ghasia, iliwalazimu maafisa wa polisi kutumia vitoa machozi kuwatawanya.

Habari Nyingine: Siaya: Rais Uhuru Alipa Karo ya Watoto Maskini Waliomupa Maji Masafi ya Kunywa

Hata hivyo, hakuna aliyeripotiwa kujeruhiwa kwenye sarakasi hiyo.

Naibu Rais William Ruto alikashifu kitendo cha polisi kwa kutumia nguvu kuwatawanya wanasiasa ambao wengi wao ni wandani wake.

Wanasiasa hao wamemtaka Inspekta Jenerali wa Polisi Hillary Mutyambai kuwashauri maafisa wake dhidi ya kutumia nguvu wakikabiliana na wananchi.

Madai kwamba wanasiasa hao hakuwa wamezingatia masharti ya covid-19 yanajiri huku nchi ikiwa imerekodi visa vingine 88 vya maambukizi ya virusi hivyo.

Kwa jumla idadi ya maambukizi kote nchini kwa yamefikia 170, 735

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Tazama habari zaidi kutoka TUKO.co.ke