[ad_1]
– Githae ambaye sasa anaonekena kutomuunga mkono Naibu Rais William Ruto, alisema ataendelea kufanya kazi na Uhuru
– Muimbaji huyo alisem Wakenya humvamia kila mara kunapotokea tatizo kwenye serikali ya Jubilee
– Githae kwa mara ya kwanza alifichua kuwa alipokea donge nono kutoka kwa Uhuruto kutokana na wimbo wake wa Tano Tena
Habari Nyingine: Seneta Malala Atangaza Amewacha Tabia ya Kuwavizia “Maslayqueen”
Mwanamuziki Ben Githae amesema anashughulikia wimbo wa kupigia debe mswada wa Mpango wa Maridhiano (BBI).
Source: Facebook
Githae aligonga vichwa vya habari wakati alizindua wimbo wa Tano Tena uliotumika kwenye kampeni za kumpigia debe Rais Uhuru Kenyatta kuchaguliwa kwa muhula wa pili.
Hata hivyo, Wakenya wenye hamaki wamekuwa wakimsuta mitandaoni kuhusu wimbo huo wakidai aliwapotosha lakini anasisitiza kuwa hajutii.
Habari Nyingine: Magazeti Alhamisi, Aprili 29: Wanachama Watundu wa FORD-K Wakunja Mkia
Akizungumza na mchekeshaji Jalango, Githae ambaye sasa anaonekena kutomuunga mkono Naibu Rais William Ruto, alisema ataendelea kufanya kazi na Uhuru akijiandaa kutoa wimbo wa BBI.
“Hawa wabunge wa Tangatanga(wanaohusiana na Ruto) sasa wanajadiliana naye kubuni serikali ijayo.Ni kama kuongelea mahari wakati tayari una mimba. Nitaendela kufanya kazi na Uhuru. Na ninaanda wimbo wa BBI ambao nina imani utatamba,” alisema msanii huyo.
Habari Nyingine: Wakenya Wafurahisha na Video ya Warembo Wakorino Wakidensi Wimbo Sukari
Kulingana na muimbaji huyo, Wakenya humvamia kila mara kunapotokea tatizo kwenye serikali ya Jubilee.
“Huwa wananiambia angalia watu uliokuwa unawapigia debe. Sasa wameshindwa kazi.Rais wetu amejaribu sana licha ya changamoto. Wakenya walilalamika baada ya kukwama kwenye Barabara ya Thika wakati wa saa za kafyu, nilishangaa mbona waliamua kunilaumu,” alisema.
Kupitia wimbo huo wa Tano Tena, Githae kwa mara ya kwanza alifichua kuwa alipokea donge nono kutoka kwa Uhuruto kutokana na wimbo huo.
Githae alisema Rais alimtafuta baada ya wimbo huo kuvuma na kumuita Ikulu ambapo alikabidhiwa minofu.
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.
Source: Tuko Breaking News
[ad_2]
Source link
