[ad_1]
- Bilionea Mkenya Chris Kirubi alipumua pumzi yake ya mwisho Jumatatu, Juni 14, akiwa na umri wa miaka 80
- Alikuwa ameugua saratani kwa muda mrefu tangu mwaka 2017 wakati aligunduliwa kuwa na ugonjwa huo
- Amewacha nyuma mtoto wa kiume Robert Kirubi na binti Mary-Ann Musangi ambao ni watu waliofaulu maishani kama baba yao
- Mwanabiashara huyo alikuwa anamiliki mali yenye thamani ya mamilioni ya pesa nchini
Habari Nyingine: Rais Uhuru Kenyatta aomboleza kifo cha Bilionea Chris Kirubi
Mwanabiashara mashuhuri Chris Kirubi alikuwa baba mwema kwa watoto wake wawili licha ya kutalakiana na mke wake mwaka 1999. Kirubi alikuwa anapenda kuwasifu watoto wake kwenye mahojiano na kuwa mfano bora kwao.
Source: UGC
Bilionea huyo alipumua pumzi yake ya mwisho Jumatatu, Juni 14, akiwa na umri wa miaka 80.
Wanawe Robert Kirubi na Mary-Ann Musangi ni watu waliofaulu maishani kama baba yao.
Habari Nyingine: Ziona Chana: Mwanamume Mwenye Wake 39 na Watoto 94 Aaga Dunia
Hii hapa picha za Robert na Mary-Ann Kirubi:
1. Robert ni ni Mkuu wa Programu za Wateja wa Ulimwenguni katika Kampuni ya Usafirishaji wa Huduma ya DHL na anaishi mjini Brussels, Ubelgiji.
2. Mary-Ann ni Mkuregenzi Mkuu katika kamuouni ya baba yake ya Haco Industries.
3. Katika mahojiano ya awali na mchekeshaji Churchill, Kirubi alifichua kuwa mwanawe wa kiume alikataa kumfanyia kazi na badala yake alichagua DHL.
“Wanamlipa pesa nyingi sana. Alikataa kunifanyia kazi lakini ni vizuri amejipatia uzoefu,” alisema Kirubi.
4. Mary-Ann ameolewa na mmoja wa mawakili maarufu nchini Andrew Mukite Musangi na wawili hao wamejaliwa watoto wawili.
5. Kirubi alikuwa baba mwenye upendo na kujali.
6. Kinyume na baba yao, Robert na Mary-Ann wanapenda kuishi maisha ya faragha.
7. Mary-Ann amefuata nyayo za baba yake na akizungumza katika mahojiano na Business Daily mnamo Julai 2017, alisema:
“Tuna tabia sawa. Maadili ya kazi, kusumbua.Baba yangu ni mtu wa kujituma sana. Ni mwanamume ambaye anatakiwa kuwa amestaafu sasa lakini hawezi.”
Kirubi ambaye amekuwa hospitalini kila mara, alikuwa anaugua saratani kwa muda mrefu tangu mwaka 2017 wakati aligunduliwa kuwa na ugonjwa huo.
Familia yake ilithibitisha kifo chake katika taarifa ya huzuni iliyosoma:
“Ni kwa huzuni mkubwa kutangaza kifo cha Dkt Christopher J. Kirubi kilichotokea Jumatatu Juni 14 mwendo wa saa saba mchana akiwa nyumbani kwake. Marehemu amekuwa akiugua kwa muda mrefu kutokana na ugonjwa wa saratani. Alikata roho akiwa amezingirwa na familia yake.”
READ ENGLISH VERSION
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.
Source: Breaking News
[ad_2]
Source link
